താമരശേരി: അയല്‍വാസിയുടെ വീട്ടുമുറ്റത്ത് നിര്‍ത്തിയിട്ടിരുന്ന ഓട്ടോറിക്ഷ തീയിട്ട് നശിപ്പിച്ചു. ചൊവ്വാഴ്ച പുലര്‍ച്ചെ നാലോടെയാണ് സംഭവം.
കൂടത്തായി ബസാര്‍ കായക്കുണ്ടയ്ക്കല്‍ രാജേഷ്‌കുമാറിന്റെ ഓട്ടോറിക്ഷയാണ് അഗ്നിക്കിരയായത്. വീട്ടിലേക്ക് വാഹനം കൊണ്ടുപോ കാന്‍ സാധിക്കാത്തതിനാല്‍ അയല്‍ വാസിയായ പാറമ്മല്‍ ഹംസ മുസ്‌ലിയാരുടെ വീട്ടുമുറ്റത്താണ് കഴിഞ്ഞ 10 വര്‍ഷമായി ഓട്ടോ പാര്‍ക്ക് ചെയ്യാറുള്ളത്. ഹംസ മുസ്‌ലിയാര്‍ സുബ് ഹി  നിസ്‌കാരത്തിന് ഉണര്‍ന്നപ്പോഴാണ്  ഓട്ടോ കത്തുന്നത്  ശ്രദ്ധയില്‍പ്പെട്ടത്. തുടര്‍ന്ന് അയല്‍ വാസികളെ വിളിച്ചുകൂട്ടി തീയണക്കുകയായിരുന്നു.