ചങ്ങനാശേരി: ഇന്റര്‍നെറ്റും സാങ്കേതിക വിദ്യകളും ജീവിതത്തെ നിര്‍ണ്ണയിച്ചു കൊണ്ടിരിക്കുന്ന കാലട്ടത്തില്‍ മൂല്യവത്തായ വിദ്യാഭ്യാസ പരിഷ്‌കരണം അനിവാര്യമാണെന്ന് ഇമാം ഏകോപന സമിതി ചെയര്‍മാന്‍ മുഹമ്മദ് നദീര്‍ മൗലവി പറഞ്ഞു. റെയില്‍വേ സ്റ്റേഷനു സമീപം ഹെവന്‍സ് ഖുര്‍ആനിക് പ്രീ സ്‌കൂള്‍ ഉദ്ഘാടനം ചെയ്യുകയായിരുന്നു അദ്ദേഹം.
അരാജകത്വത്തിലേയ്ക്കും അധാര്‍മികതയിലേക്കും കൊലപാതകങ്ങളിലേയ്ക്കും ഇന്നത്തെ കലാലയ അന്തരീക്ഷം എത്തിപ്പെടാനുള്ള സാഹചര്യം വിലയിരുത്തപ്പെടേണ്ടതുണ്ടെന്നും അദ്ദേഹം പറഞ്ഞു. ജമാഅത്തെ ഇസ്‌ലാമി ചങ്ങനാശേരി ഏരിയ പ്രസിഡന്റ് പി.എ നൗഷാദ് അധ്യക്ഷനായി.