മാവൂര്‍: മതപ്രബോധന രംഗത്ത് കേരളീയ റോള്‍മോഡല്‍ സംഭാവന ചെയ്തത് സമസ്തകേരള ജംഇയ്യത്തുല്‍ ഉലമയാണെന്ന് പാണക്കാട് സ്വാദിഖലി ശിഹാബ് തങ്ങള്‍ പറഞ്ഞു.
മാവൂരില്‍ ഹിദായത്തുല്‍ ഇസ്‌ലാം സെക്കന്‍ഡറി മദ്‌റസക്കായി പ്രവാസിസ്വദേശീ കൂട്ടായ്മയുടെ നേതൃത്വത്തില്‍ നിര്‍മിച്ച പുതിയകെട്ടിടം ഉദ്ഘാടനം ചെയ്തു സംസാരിക്കുകയായിരുന്നു തങ്ങള്‍. മഹല്ല് കമ്മിറ്റി ജന. സെക്രട്ടറി എം.പി അലവി കുട്ടി ഹാജി അധ്യക്ഷനായി. റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തി. റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് കെ മുഹമ്മദ് ബാഖവി, തയ്യില്‍ ഹംസഹാജി, മുഹമ്മദ് അഷ്‌റഫ് റഹ്മാനി, പാട്ടാപ്പില്‍ അബ്ദുറഹ്മാന്‍ ഹാജി, ഖത്വീബ് ജലാലുദ്ദീന്‍ ഫൈസി, എന്‍.പി അഹമ്മദ്, കെ.എം.എ റഹ്മാന്‍, മുഹമ്മദ് ഹനീഫ മൗലവി, കെ.എം കുഞ്ഞവറാന്‍ സംബന്ധിച്ചു.
ഏറെക്കാലം മഹല്ല് കമ്മിറ്റി ഭാരവാഹികളായി സേവനം ചെയ്ത എം.പി മുഹമ്മദ് ഹാജി, കടോടി മുഹമ്മദ് കുട്ടിഹാജി, എ.പി അബൂബക്കര്‍ ഹാജി എന്നിവരെ സ്വാദിഖലി ശിഹാബ് തങ്ങളും ആദ്യകാല മദ്‌റസാ സ്വദ്ര്‍ മുഅല്ലിം തേനങ്ങല്‍ മുഹമ്മദലി മൗലവിയെ റഹ്മത്തുള്ള ഖാസിമിയും ആദരിച്ചു.