കൊച്ചി: മന്ത്രി മണി ഭൂമി കൈയേറ്റക്കാരുടെ സംരക്ഷകനാണെന്ന് കെ.പി.സി.സി അധ്യക്ഷന്‍ എം.എം ഹസന്‍. കൈയേറ്റവുമായി ബന്ധപ്പെട്ട ചര്‍ച്ചകള്‍ക്ക് മണിയെ നിയോഗിക്കുന്നത് കോഴിയുടെ സംരക്ഷണം കുറുക്കനെ ഏല്‍പ്പിക്കുന്നതിനു തുല്യമായിരിക്കുമെന്നും ഹസന്‍ പറഞ്ഞു.
ബൂത്ത് കമ്മിറ്റികള്‍ പുനഃസംഘടിപ്പിക്കുന്നതുമായി ബന്ധപ്പെട്ട് കൊച്ചിയില്‍ ചേര്‍ന്ന ഡി.സി.സി നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം.
11 മാസത്തെ ഭരണത്തിനിടെ ഇത്രയധികം നാണംകെട്ട മറ്റൊരു സര്‍ക്കാര്‍ ചരിത്രത്തിലില്ല. അന്തസുണ്ടെങ്കില്‍ മുഖ്യമന്ത്രി രാജിവച്ച് പോകണം. മണി രാജിവച്ച് പുറത്തു പോകരുത്. അടിച്ചു പുറത്താക്കുകയാണ് വേണ്ടത്. ബി.ജെ.പിയെ ചെറുക്കാന്‍ തങ്ങള്‍ക്കേ സാധിക്കൂവെന്നു പറഞ്ഞ് അധികാരത്തിലെത്തിയ സര്‍ക്കാരാണിത്.