വടക്കേക്കാട്: തൃശൂര്‍ ചിയ്യാരത്ത് ബി.ടെക് വിദ്യാര്‍ഥിനി നീതുവിനെ കൊലപ്പെടുത്തിയ കേസിലെ പ്രതി വടക്കേക്കാട് കല്ലൂക്കാട്ടയില്‍ നിധീഷുമായി പൊലിസ് വീണ്ടും തെളിവെടുപ്പിനെത്തി.
ഇന്നലെ 12ഓടെ വടക്കേക്കാട് മുക്കിലപ്പീടികയിലെ പ്രതിയുടെ വീട്ടിലാണ് നെടുപുഴ എസ്.ഐ എ.വി. ബിജുവിന്റെ നേതൃത്വത്തിലുള്ള അന്വേഷണ സംഘമെത്തിയത്. വീട്ടുകാരോടും അയല്‍ വാസികളോടും വിവരങ്ങള്‍ അന്വേഷിച്ചാണ് സംഘം പ്രതിയുമായി തിരച്ചു പോയത്.
കഴിഞ്ഞ നാലിനാണ് തൃശൂര്‍ ചിയ്യാരം ഒല്ലൂക്കാവ് ക്ഷേത്രത്തിനു സമീപത്തെ വീട്ടിലെത്തിയ നീതുവിനെ കുത്തിയും പെട്രോള്‍ ഒഴിച്ച് കത്തിച്ചും നിധീഷ് കൊലപ്പെടുത്തിയത്.
ഇത് രണ്ടാം തവണയാണ് പ്രതിയെ തെളിവെടുപ്പിനായി വടക്കേക്കാട്ടേക്ക് കൊണ്ടുവരുന്നത്. നേരത്തെ വന്നപ്പോള്‍ വീട് അടച്ചിട്ടിരിക്കുകയായിരുന്നു.