ജയ്പൂര്‍: കൊവിഡ് പ്രതിരോധ മാനദണ്ഡങ്ങള്‍ ലംഘിച്ചെന്നാരോപിച്ച് രാജസ്ഥാനിലെ 104 ഭരണപക്ഷ എം.എല്‍.എമാര്‍ക്കെതിരേ കേസെടുത്തു. 

മുഖ്യമന്ത്രി അശോക് ഗെലോട്ടിന്റെ വസതിയിലും റിസോര്‍ട്ടിലുമായി അഞ്ഞൂറോളം പേര്‍ ഒത്തുകൂടിയെന്നും ഇതില്‍ 104 എം.എല്‍.എമാരും ഉണ്ടായിരുന്നെന്നും മെട്രോപൊളിറ്റന്‍ കോടതിയില്‍ പരാതിയെത്തുകയായിരുന്നു.

ഈ കൂടിച്ചേരലുകളില്‍ കൊവിഡ് ലോക്ക്ഡൗണ്‍ നിര്‍ദേശങ്ങള്‍ പാലിക്കുകയോ സാമൂഹിക അകലം പാലിക്കുകയോ ചെയ്തില്ലെന്നാരോപിച്ചായിരുന്നു അഭിഭാഷകനായ ഓം പ്രകാശ് ഹരജി സമര്‍പ്പിച്ചത്.