കണ്ണൂര്‍: തടവുകാരനെ ജയില്‍ വാര്‍ഡര്‍മാര്‍ മര്‍ദിച്ചതായി പരാതി. കണ്ണൂര്‍ സെന്‍ട്രല്‍ ജയിലിലെ ശിക്ഷാതടവുകാരന്‍ ഫൈജാസ് (40) ആണ് കണ്ണൂര്‍ മജിസ്‌ട്രേട്ടിനു മുന്നില്‍ പരാതി നല്‍കിയത്.
കഴിഞ്ഞദിവസം സെന്‍ട്രല്‍ ജയിലിലെ മൂന്നു വാര്‍ഡര്‍മാര്‍ ചേര്‍ന്ന് 11-ാം നമ്പര്‍ സെല്ലില്‍ വച്ച് മര്‍ദിക്കുകയായിരുന്നുവെന്ന് പരാതിയില്‍ പറയുന്നത്. കോടതി നിര്‍ദേശപ്രകാരം ടൗണ്‍ പൊലിസ് കേസെടുത്തു.
സെന്‍ട്രല്‍ ജയിലിലെ ശിക്ഷാതടവുകാരനായ ഫൈജാസിനെ മറ്റൊരു കേസില്‍ കോടതിയില്‍ ഹാജരാക്കിയപ്പോഴാണ് വാര്‍ഡര്‍മാര്‍ മര്‍ദിച്ചതായി പറഞ്ഞത്. പരാതി എഴുതിവാങ്ങിയ ശേഷം കേസെടുക്കാന്‍ കോടതി ഉത്തരവ് നല്‍കി.