മുതലട: മീങ്കര കുടിവെള്ളത്തില്‍ വിരകള്‍ നാട്ടുകാര്‍ പ്രതിഷേധിച്ചു. ചുള്ളിയാര്‍മേട് പ്രദേശങ്ങളിലെ പൊതുടാപ്പില്‍നിന്ന് ശേഖരിച്ച മീങ്കര കുടിവെള്ളത്തിലാണ് കറുത്തനിറത്തിലുള്ള വിരകളെ കണ്ടെത്തിയത്. കുടിവെള്ളത്തില്‍ വിരകളെ കണ്ടെത്തിയ നാട്ടുകാര്‍ ജല അതോറിറ്റിയെ വിവരമറിയിച്ചെങ്കിലും ഉദ്യോഗസ്ഥര്‍ സ്ഥലത്തെത്താത്തതിനാല്‍ നാട്ടുകാര്‍ പ്രതിഷേധിച്ചു.
മുതലമട ഹയര്‍സെക്കന്‍ഡറി സ്‌ക്കൂളിലെ മുവായിരത്തിലധികം വരുന്ന വിദ്യര്‍ഥികളും നാട്ടുകാരും ഉപയോഗിക്കുന്ന കുടിവെള്ളത്തിന്റെ പൊതുടാപ്പുകളില്‍ വിരകളെ കണ്ടെത്തിയത് ഉദ്യോഗസ്ഥര്‍ ഗൗരവത്തില്‍കാണാത്തതിനെതിരേ ജില്ലാ കലക്ടര്‍ക്ക് പരാതിനല്‍കുമെന്ന് നാട്ടുകാര്‍ പറഞ്ഞു. മുതലമട, കൊല്ലങ്കോട്, എലവഞ്ചേരി വടവന്നൂര്‍ പഞ്ചായത്തുകളിലായി ലക്ഷത്തിലധികം പേരാണ് മീങ്കര ശുദ്ധജലം ഉപയോഗിക്കുന്നത്.