കൊച്ചി: അഭിമന്യു വധവുമായി ബന്ധപ്പെട്ട് രണ്ട് എസി.ഡി.പി.ഐ പ്രവര്‍ത്തകരെക്കൂടി അന്വേഷണസംഘം കസ്റ്റഡിയിലെടുത്തു. ആലുവയില്‍ നിന്നാണ് ഇവരെ കസ്റ്റഡിയിലെടുത്തത്. ഇവരെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല. കേസില്‍ ഇതുവരെ 11 പേരെയാണ് അറസ്റ്റ് ചെയ്തത്.

ഇന്നലെ പിടിയിലായവരുടെ വീടുകളിലും സ്ഥാപനങ്ങളിലും നടത്തിയ പരിശോധനയില്‍ സിഡികള്‍, ലാപ് ടോപ്പുകള്‍, ലഘുലേഖകള്‍ എന്നിവ കണ്ടെത്തിയിട്ടുണ്ട്. ഇവയില്‍ പ്രകോപനപരമായ ഉള്ളടക്കമുണ്ടെന്നും പൊലിസ് പറഞ്ഞു. അതിനിടെ അക്രമികള്‍ രക്ഷപെടാന്‍ ഉപയോഗിച്ച കാറും ഇന്നലെ പൊലിസ് കസ്റ്റഡിയിലെടുത്തു. ചേര്‍ത്തല സ്വദേശിയുടെ മാരുതി സ്വിഫ്റ്റ് കാറാണ് കസ്റ്റഡിയിലെടുത്തത്.