കോട്ടയം: ജലന്ധര്‍ കത്തോലിക്ക ബിഷപ്പിനെതിരായ ബലാത്സംഗക്കേസില്‍ കര്‍ദിനാളിന്റെയും പാലാ ബിഷപ്പിന്റെയും മൊഴിയെടുക്കും. ഇതിനായി സമയം ചോദിച്ചിട്ടുണ്ടെന്നും കോട്ടയം എസ്പി ഹരിശങ്കര്‍ പറഞ്ഞു.

പീഡനം സംബന്ധിച്ച് താന്‍ കര്‍ദിനാളിന് പരാതി നല്‍കിയെന്ന് കന്യാസ്ത്രീ വെളിപ്പെടുത്തിയ സാഹചര്യത്തിലാണ് ഇത്. കന്യാസ്ത്രീ പരാതി നല്‍കിയിട്ടില്ലെന്നും ജലന്ധറിലെ മഠവുമായി ബന്ധപ്പെട്ട ചില പ്രശ്‌നങ്ങളാണ് കന്യാസ്ത്രീ പറഞ്ഞതെന്നുമായിരുന്നു ആലഞ്ചേരി വ്യക്തമാക്കിയിരുന്നത്. എന്നാല്‍ ആലഞ്ചേരിക്ക് നല്‍കിയ പരാതിയുടെ പകര്‍പ്പ് കഴിഞ്ഞ ദിവസം കന്യാസ്ത്രീയുടെ കുടുംബം പൊലിസിന് കൈമാറിയിരുന്നു. ഇതിന്റെ അടിസ്ഥാനത്തിലാണ് ആലഞ്ചേരിയുടെ മൊഴിയെടുക്കാന്‍ പൊലിസ് തീരുമാനിച്ചത്.

കന്യാസ്ത്രീയുടെ പരാതിയില്‍ കൂടുതല്‍ വ്യക്തത ആവശ്യമാണ്. കേരളത്തിലെ അന്വേഷണം പൂര്‍ത്തീകരിച്ചതിനു ശേഷം ജലന്ധറിലേക്ക് പോകാനാണ് ഉദ്ദേശിക്കുന്നതെന്നും എസ്.പി വ്യക്തമാക്കി.