തിരുവനന്തപുരം: രാഹുല്‍ ഗാന്ധി പങ്കെടുത്ത വയനാട്ടിലെ റോഡ് ഷോയില്‍ പാക് പതാക വീശിയെന്ന പരാതിയില്‍ മുഖ്യതെരഞ്ഞെടുപ്പ് ഓഫിസര്‍ ടിക്കാറാം മീണ ജില്ലാ കലക്ടറോട് വിശദീകരണം തേടി. കണ്ണൂര്‍ വളപട്ടണം സ്വദേശി കെ.എ ഷാജ് പ്രശാന്ത് നല്‍കിയ പരാതിയിലാണ് നടപടി. രാഹുലിന്റെ പരിപാടിയില്‍ പാക് പതാക വീശിയെന്ന് ബി.ജെ.പി പ്രവര്‍ത്തകഅഡ്വ. പ്രേരണകുമാരി ട്വീറ്റ് ചെയ്തിരുന്നു. പാക് പതാക ഉപയോഗിച്ചതിന് കേസെടുക്കണമെന്നും വാര്‍ത്ത തെറ്റാണെങ്കില്‍ പ്രേരണകുമാരിക്കെതിരേ കേസെടുക്കണമെന്നും പരാതിയില്‍ ആവശ്യപ്പെട്ടിട്ടുണ്ട്.