കോഴിക്കോട്: പ്രധാനമന്ത്രി നരേന്ദ്രമോദി ഇന്ന് കോഴിക്കോട്ട് എന്‍.ഡി.എ റാലിയില്‍ പ്രസംഗിക്കും. കേരളത്തില്‍ മോദിയുടെ ആദ്യ തെരഞ്ഞെടുപ്പ് യോഗമാണിത്. വൈകിട്ട് ആറിന് കോഴിക്കോട് കടപ്പുറത്താണ് പരിപാടി. പ്രത്യേക വിമാനത്തില്‍ വൈകിട്ട് അഞ്ചിന് കരിപ്പൂരിലെത്തുന്ന പ്രധാനമന്ത്രി ആറിന് റോഡ് മാര്‍ഗം 'വിജയ് സങ്കല്‍പ് റാലി' നടക്കുന്ന കോഴിക്കോട് കടപ്പുറത്തെത്തും. പൊതുസമ്മേളനത്തിനുശേഷം കരിപ്പൂര്‍ നിന്ന് 7.30ന് മടങ്ങും.