ന്യൂഡല്‍ഹി: രാഹുല്‍ ഗാന്ധിയുടെ സുരക്ഷയില്‍ വീഴ്ചയോ സുരക്ഷയ്ക്ക് ഭീഷണിയോ ഉണ്ടായിട്ടില്ലെന്ന് സ്‌പെഷല്‍ പ്രൊട്ടക്ഷന്‍ ഗ്രൂപ്പ് ഡയരക്ടറെ ഉദ്ധരിച്ച് കേന്ദ്ര ആഭ്യന്തരമന്ത്രാലയം വിശദീകരണക്കുറിപ്പിറക്കി.

രാഹുലിന്റെ ചിത്രമെടുത്തുകൊണ്ടിരുന്ന എ.ഐ.സി.സി ഫോട്ടോഗ്രാഫറുടെ മൊബൈല്‍ ഫോണില്‍ നിന്നുള്ള പച്ചവെളിച്ചമാണ് രാഹുലിന്റെ തലയ്ക്കുനേരേ കണ്ടതെന്ന് മന്ത്രാലയ വക്താവ് വിശദീകരിച്ചു. ഇക്കാര്യം എസ്.പി.ജി ഡയരക്ടര്‍ രാഹുലിന്റെ പേഴ്‌സണല്‍ സ്റ്റാഫിനെ അറിയിച്ചിരുന്നു.
കോണ്‍ഗ്രസിന്റെ കത്ത് ലഭിച്ചിട്ടില്ല. സംഭവമുണ്ടായപ്പോള്‍ത്തന്നെ എസ്.പി.ജി അത് കണ്ടെത്തിയിരുന്നെന്നും വിഡിയോ വീണ്ടും പരിശോധിച്ചതായും ആഭ്യന്തര വക്താവ് പറഞ്ഞു.