വെഞ്ഞാറമൂട്: നിയന്ത്രണംവിട്ട കാര്‍ മതിലിലിടിച്ച് ഒന്നരവയസ്സുകാരി മരിച്ചു. മാതാവ് ഉള്‍പ്പെടെ അഞ്ചുപേര്‍ക്ക് പരിക്കേറ്റു.
കോട്ടയാം പാലാ ഭരണങ്ങാനം പ്രവിത്താനം ഔസേപ്പ് പറമ്പില്‍ മെക്കിള്‍-സുജ ദമ്പതികളുടെ മകള്‍ നെസ ആണ് മരിച്ചത്. സുജയുടെ പിതാവ് എബ്രഹാം (68), മാതാവ് ത്രേസ്യാമ്മ (65), സുജയുടെ മൂത്തമകള്‍ ജിയ (ഏഴ്), കാര്‍ഡ്രൈവര്‍ക്കുമാണ് പരിക്ക്.
ഇന്നലെ രാവിലെ 5ന് കാട്ടാക്കടയില്‍നിന്ന് കോട്ടയത്തേക്കുള്ള യാത്രയ്ക്കിടെ കാര്‍ നിയന്ത്രണംവിട്ട് വെമ്പായം ജംഗ്ഷനു സമീപം മതിലില്‍ ഇടിച്ചുകയറുകയാിയരുന്നു. ഇടയില്‍ കാറിന്റെ ഡോര്‍ തുറന്ന് മാതാവിന്റെ കൈയിലിരുന്ന കുഞ്ഞ് റോഡിലേക്ക് വീണ് ഗുരുതരമായി പരിക്കേല്‍ക്കുകയായിരുന്നു.
പരിക്കേറ്റവരെ നാട്ടുകാര്‍ ആശുപത്രിയിലെത്തിച്ചുവെങ്കിലും കുഞ്ഞിന്റെ ജീവന്‍ രക്ഷിക്കാനായില്ല. വട്ടപ്പാറ പൊലിസ് മേല്‍നടപടികള്‍ സ്വീകരിച്ചു.