തിരുവനന്തപുരം: അഗതികളെയും അനാഥരെയും മുഖ്യധാരയിലെത്തിച്ചാല്‍ മാത്രമേ സമൂഹത്തില്‍ സന്തുലിതാവസ്ഥ സംജാതമാകുകയുള്ളൂവെന്ന് ഡോ. എം.കെ മുനീര്‍. തിരുവനന്തപുരം വള്ളക്കടവ് യത്തീംഖാനയുടെ 47-ാം വാര്‍ഷികാഘോഷം ഉദ്ഘാടനം ചെയ്യുകയായിരുന്നു അദ്ദേഹം.
യത്തീംഖാന പ്രസിഡന്റ് എം.കെ നാസറുദ്ദീന്‍ അധ്യക്ഷനായി. സ്റ്റാന്റിംഗ് കമ്മിറ്റി ചെയര്‍മാന്‍ കെ. ശ്രീകുമാര്‍ മുഖ്യാതിഥിയായി. എ. സൈഫുദ്ദീന്‍ ഹാജി, ഡോ. പി നസീര്‍, തോപ്പില്‍ നിസാം, കെ.എം സാലി സാഹിബ്, ഡോ. എ നിസാറുദ്ദീന്‍ തുടങ്ങിയവര്‍ സംസാരിച്ചു.
കൈനിറയെ മധുരമിഠായികളുമായി യത്തീംഖാനയിലെ കുട്ടികളെ കാണാനും സംവദിക്കാനും എം.എല്‍.എ മുകേഷും എത്തി. മധുരപലഹാരങ്ങള്‍ യത്തീംഖാനാ പ്രസിഡന്റ് എം.കെ നാസറുദ്ദീന്‍ സ്വീകരിച്ചു.
യത്തീം ഫെസ്റ്റിലെത്തിയ മുകേഷ് തന്റെ പഴയ കാലത്തെ അവസ്ഥകള്‍ പങ്കിട്ട് കുട്ടികളുമൊത്ത് ഫോട്ടോയുമെടുത്താണ് മടങ്ങിയത്.