കുണ്ടംകുഴി: വെള്ളം കോരുന്നതിനിടയില്‍ കാല്‍വഴുതി കിണറ്റില്‍ വീണ വീട്ടമ്മയെ ഫയര്‍ഫോഴ്‌സ് ജീവനക്കാര്‍ രക്ഷപ്പെടുത്തി. കുണ്ടംകുഴി മൂന്നാംകടവ് നിടുംവയലലിലെ വാസുവിന്റെ ഭാര്യ സരസ്വതി(64)യെയാണ് രക്ഷപ്പെടുത്തിയത്. ആള്‍മറയില്ലാത്ത അമ്പതടിയിലേറെ ആഴമുള്ള കിണറ്റില്‍ വെള്ളം കോരുന്നതിനിടയില്‍ വീഴുകയായിരുന്നു. സരസ്വതിയുടെ നിലവിളി കേട്ട് ഓടിക്കൂടിയ വീട്ടുകാരും നാട്ടുകാരും രക്ഷിക്കാന്‍ ശ്രമിച്ചെങ്കിലും നടന്നില്ല. തുടര്‍ന്ന് കുറ്റിക്കോല്‍ ഫയര്‍ഫോഴ്‌സിനെ അറിയിക്കുകയായിരുന്നു.