എടത്വ: കത്തോലിക്കാ കോണ്‍ഗ്രസ് 100-ാം വാര്‍ഷികത്തോടനുബന്ധിച്ച് എടത്വയില്‍ നിന്നും കോട്ടയത്തേക്കു പുത്തന്‍പറമ്പില്‍ തൊമ്മച്ചന്റെ ഛായാചിത്രപ്രയാണം നടത്തുന്നു. കത്തോലിക്കാ കോണ്‍ഗ്രസ് എടത്വ, ചമ്പക്കുളം, പുളിങ്കുന്ന്, ആലപ്പുഴ ഫൊറോനകളുടെ നേതൃത്വത്തില്‍ 28നു രാവിലെ ആറിന് എടത്വ സെന്റ് ജോര്‍ജ്ജ് ഫൊറോന പള്ളിയിലെ ദൈവദാസന്‍ പുത്തന്‍പറമ്പില്‍ തൊമ്മച്ചന്റെ കബറടത്തില്‍ നിന്നും ആരംഭിക്കുന്ന പ്രയാണത്തിന് ചമ്പക്കുളം കല്ലൂര്‍കാട് സെന്റ് മേരീസ് ബസലിക്കാ, പുളിങ്കുന്ന് സെന്റ് മേരീസ് പള്ളി, ചങ്ങനാശേരി കത്തീഡ്രല്‍ പള്ളി, വാഴപ്പള്ളി ഗത്സെമനി എന്നീ പള്ളികളില്‍ സ്വീകരണം നല്‍കും. നൂറാം വാര്‍ഷികാഘോഷം നടക്കുന്ന കോട്ടയം മാമന്‍മാപ്പിള സമ്മേളന നഗറില്‍ എത്തിച്ചേരുമ്പോള്‍ ചങ്ങനാശേരി അതിരൂപതാ മെത്രാപ്പോലീത്താ മാര്‍ ജോസഫ് പെരുന്തോട്ടം സന്ദേശം നല്‍കും.