തുറവൂര്‍: പട്ടണക്കാട് കാരുണ്യ പാലിയേറ്റിവ് സഹായ സമിതിയുടെ ആംബുലന്‍സ് ഉദ്ഘാടനവും വിശിഷ്ട വ്യക്തികളെ ആദരിക്കലും നടന്നു. കെ.സി.വേണുഗോപാല്‍ എം.പി ഉദ്ഘാടനം ചെയ്തു.
പട്ടണക്കാട് മണ്ഡലം കോണ്‍ഗ്രസ് കമ്മിറ്റി പ്രസിഡന്റ് എം.കെ ജയപാലിന്റെ നേതൃത്വത്തിലാണ് കാരുണ്യ പാലിയേറ്റിവ് സഹായ സമിതി രൂപീകരിച്ചത്. ഗ്രാമത്തിലെ നിര്‍ധനരും നിരാംലംബരുമായവരെ സഹായിക്കുക എന്ന ലക്ഷ്യത്തോടെയാണ് സമിതി പ്രവര്‍ത്തിക്കുന്നത്.
ഗാനരചയിതാവ് രാജീവ് ആലുങ്കല്‍, സംസ്ഥാന ചലച്ചിത്ര ജേതാവ് കാഞ്ചന പുന്നശേരി, ഡി.സി.സി പ്രസിഡന്റ് എം.ലിജു, ഡി.സി.സി.ജനറല്‍ സെക്രട്ടറി ടി.എച്ച് സലാം, ജോളി, മായ, ടി.എസ് ജാസ്മിന്‍ എന്നിവര്‍ പ്രസംഗിച്ചു. എം.കെ ജയപാലന്‍ അധ്യക്ഷനായി. നിരാലംബയായ അമ്മയ്ക്ക് വീട് വച്ച് നല്‍കിയതിന്റെ ഉദ്ഘാടനവും നടന്നു.