പേര്യ (വയനാട്): ഒഴുക്കില്‍പ്പെട്ട് ഏഴ് വയസുകാരനെ കാണാതായതായി സംശയം. പേര്യ വരയാല്‍ മുപ്പത്തിയെട്ട് തയ്യുള്ളതില്‍ അയൂബിന്റെ മകന്‍ അജ്മലിനെയാണ് കാണാതായത്. ഇന്നലെ ഉച്ചക്ക് വരയാല്‍ ജുമാമസ്ജിദില്‍ പ്രാര്‍ഥനക്ക് ശേഷം തിരികെ വീട്ടിലേക്ക് പോകവെ കാണാതാവുകയായിരുന്നു. റോഡരികിലെ തോട്ടില്‍ വീണതാണെന്ന സംശയത്തില്‍ നാല് മണിയോടെ മാനന്തവാടിയില്‍ നിന്ന് എത്തിയ ഫയര്‍ഫോഴ്‌സ് യൂനിറ്റും നാട്ടുകാരും ചേര്‍ന്ന് തിരച്ചില്‍ ആരംഭിക്കുകയായിരുന്നു.
തോടരികില്‍ നിന്ന് ചെരുപ്പും തൊപ്പിയും കണ്ടെത്തിയത് കുട്ടി ഒഴുക്കില്‍പ്പെട്ടതാണെന്ന സംശയത്തിന് ബലമേകിയത്. ശക്തമായ ഒഴുക്ക് തിരച്ചിലിന് ബുദ്ധിമുട്ട് സൃഷ്ടിക്കുന്നുണ്ട്.