തേഞ്ഞിപ്പലം: ഓടിക്കൊണ്ടിരിക്കെ നിയന്ത്രണം വിട്ട കണ്ടെയ്‌നര്‍ ലോറിയിടിച്ച് പാതയോരത്തെ മരം നിലംപൊത്തി. ലോറി പിന്നീട് മറ്റൊരു കാറിനിടിച്ചു. കാറിലുണ്ടായിരുന്നവര്‍ അത്ഭുതകരമായി രക്ഷപ്പെട്ടു.
ദേശീയപാത ഇടിമൂഴിക്കലില്‍ ഇന്നലെ പുലര്‍ച്ചെ ആറോടെയാണ് സംഭവം. യൂനിവേഴ്‌സിറ്റി ഭാഗത്തു നിന്നു കോഴിക്കോട് ഭാഗത്തേക്കു പോകുകയായിരുന്ന കണ്ടെയ്‌നര്‍ ലോറിയാണ് അപകടത്തില്‍പെട്ടത്.
ഇടിമുഴിക്കല്‍ അങ്ങാടിയില്‍ റോഡരികിലുള്ള  മരത്തിലിടിച്ച ലോറി പിന്നീട് എതിര്‍ ദിശയില്‍ വന്ന കാറിലിടിക്കുകയായിരുന്നു.
ഇടിയുടെ ആഘാതത്തില്‍ റോഡരികിലെ മരം തകര്‍ന്ന് ലോറിക്കു മുകളില്‍ പതിച്ചു.  ലോറിയുടെ മുന്‍വശവും ഭാഗികമായി തകര്‍ന്നിട്ടുണ്ട്. കാറിന്റെ മുന്‍ഭാഗവും പൂര്‍ണ്ണമായും തകര്‍ന്നു.