കക്കട്ടില്‍: കഞ്ചാവുമായി രാജസ്ഥാന്‍ സ്വദേശി കക്കട്ടിലില്‍ പിടിയിലായി. കൈവേലി റോഡില്‍ പനേന്റ കീഴില്‍ ജി.പി സ്റ്റോറിന് മുന്‍വശത്തുവച്ച് 15 പൊതി കഞ്ചാവുമായി രാജസ്ഥാന്‍ സ്വദേശിയായ അനില്‍ സിങ്ങിനെയാണ് നാദാപുരം എക്‌സൈസ് പിടികൂടിയത്. ഇയാള്‍ കായക്കൊടിയില്‍ വാടക വീട്ടിലാണ് താമസം. സ്‌കൂള്‍ വിദ്യാര്‍ഥികളെ കേന്ദ്രീകരിച്ചാണ് കഞ്ചാവ് വില്‍പ്പന നടത്തുന്നത്. എക്‌സൈസ് ഇന്‍സ്‌പെക്ടര്‍ പി. സുരേന്ദ്രന്റെ നേതൃത്വത്തില്‍ പ്രിവന്റീവ് ഓഫിസര്‍മാരായ പി. ജയരാജ്, സിവില്‍ എക്‌സൈസ് ഓഫിസര്‍മാരായ കെ. ഷിരാജ്, പി. വിജേഷ്, ഡ്രൈവര്‍ പുഷ്പരാജ് എന്നിവര്‍ അടങ്ങുന്ന സംഘമാണ് പ്രതിയെ പിടികൂടിയത്.