വൈലത്തൂര്‍: അയ്യായ മന്‍ബഉസ്സആദ അറബിക് കോളജ് വാര്‍ഷികത്തിന് തുടക്കമായി. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ പതാക ഉയര്‍ത്തി. ഇന്ന് നടക്കുന്ന മജ്‌ലിസുന്നൂറില്‍ അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ നേതൃത്വം നല്‍കും.
 ശനിയാഴ്ച നടക്കുന്ന ഉദ്ഘാടന സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും.
നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നടത്തും. ഞായറാഴ്ച നടക്കുന്ന സമാപന സമ്മേളനം സമസ്ത മുശാവറ അംഗം എ മരക്കാര്‍ ഫൈസി ഉദ്ഘാടനം ചെയ്യും.
നവാസ് മന്നാനി പറവൂര്‍ പ്രഭാഷണം നടത്തും. സമാപന ദുആ മജ്‌ലിസിന് കോഴിക്കോട് ഖാസി മുഹമ്മദ് കോയതങ്ങള്‍ ജമലുല്ലൈലി നേതൃത്വം നല്‍കും.