തായ്‌പെയ്: തായ്‌ലന്റ് ഓപണില്‍ ഇന്ത്യന്‍ താരം പി.വി സിന്ധു സെമിഫൈനലില്‍ പ്രവേശിച്ചു. മലേഷ്യയുടെ സോണിയ ചിയയെയാണ് സിന്ധു പരാജയപ്പെടുത്തിയത്.
തായ്‌ലന്റ് ഓപണിലെ അവശേഷിക്കുന്ന ഏക ഇന്ത്യന്‍ സാന്നിധ്യമാണ് പി.വി സിന്ധു. ഇന്നലത്തെ മത്സരത്തില്‍ നേരിട്ടുള്ള ഗെയിമുകളിലാണ് മലേഷ്യന്‍ താരത്തെ സിന്ധു കെട്ടുകെട്ടിച്ചത്.
36 മിനുട്ട് നീണ്ടണ്ട പോരാട്ടത്തില്‍ 21-17, 21-13 എന്ന സ്‌കോറിനായിരുന്നു താരത്തിന്റെ വിജയം. ലോക റാങ്കിങില്‍ 35ാം നമ്പര്‍ താരമാണ് സോണിയ ചിയ. സെമിയില്‍ ലോക റാങ്കിങില്‍ 29ാം നമ്പര്‍ താരം ഇന്തോനേഷ്യയുടെ ഗ്രിഗോറിയ മരിസ്‌കയാണ് സിന്ധുവിന്റെ എതിരാളി.