കുന്ദമംഗലം: ഫാസിസത്തിനെതിരെയുള്ള മൂര്‍ച്ചയേറിയ ആയുധം വോട്ടവകാശമാണെന്ന് വനിതാ ലീഗ് അഖിലേന്ത്യ സെക്രട്ടറി അഡ്വ. നൂര്‍ബിന റഷീദ്.
കുന്ദമംഗലം പഞ്ചായത്ത്തല യു.ഡി.എഫ് വനിതാ സംഗമം ഉദ്ഘാടനം ചെയ്തു സംസാരിക്കുകയായിരുന്നു അവര്‍. തന്റെ ധാര്‍ഷ്ട്യം നടപ്പിലാക്കുന്നതിന് നിലവിലെ വിശ്വാസ പ്രമാണങ്ങളില്‍ കടന്നുകയറ്റം നടത്തുന്ന ഭരണാധികാരികള്‍ക്ക് പുറത്തേക്കുള്ള വഴിയുടെ ചൂണ്ടുപലകയായിരിക്കണം ഈ തെരഞ്ഞെടുപ്പെന്നും അവര്‍ കൂട്ടിച്ചേര്‍ത്തു. യു.ഡി.എഫ് പഞ്ചായത്ത് വനിതാ വിഭാഗം ചെയര്‍പേഴ്‌സണ്‍ പി. ഖൗലത്ത് അധ്യക്ഷയായി. ഡി.സി.സി ജനറല്‍ സെക്രട്ടറി നിജേഷ് അരവിന്ദ് മുഖ്യ പ്രഭാഷണം നടത്തി. മുന്‍ എം.എല്‍.എ യു.സി. രാമന്‍, ഖാലിദ് കിളിമുണ്ട, സി. മാധവദാസ്, പി.സി. അബ്ദുള്‍ കരീം, ഒ. ഉസ്സയിന്‍, ബാബു നെല്ലൂളി, വിനോദ് പടനിലം, ഷൈജ മളപ്പില്‍, ഷഹര്‍ബാന്‍ ഗഫൂര്‍ സംസാരിച്ചു.