മലപ്പുറം: 'ഏക സിവില്‍ കോഡും ഐ.എസ് ഭീകരതയും: വിയോജിപ്പിന്റെ കാരണങ്ങള്‍ ?' എന്ന വിഷയത്തില്‍ സുന്നി യുവജന സംഘം ജില്ലാ കമ്മിറ്റി സംഘടിപ്പിക്കുന്ന ബഹുജന സംഗമം ഇന്ന് ഉച്ചക്ക് രണ്ടിന് മലപ്പുറം സുന്നി മഹല്‍ ശിഹാബ് തങ്ങള്‍ ഓഡിറ്റോറിയത്തില്‍ നടക്കും. പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. സാഹിത്യകാരന്‍ പി സുരേന്ദ്രന്‍ മുഖ്യ പ്രഭാഷണം നടത്തും. 'വിഘടിതര്‍ വിനയാകുമ്പോള്‍' എന്ന വിഷയം മുസ്തഫ അഷ്‌റഫി കക്കുപ്പടി എല്‍.സി.ഡി ക്ലിപ്പിങ് സഹിതം അവതരിപ്പിക്കും. പി. കുഞ്ഞാണി മുസ്‌ലിയാര്‍, അബ്ദുസ്സമദ് പൂക്കോട്ടൂര്‍, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, ചെമ്മുക്കന്‍ കുഞ്ഞാപ്പു ഹാജി, ടി. മൊയ്തീന്‍ മൗലവി, പി ഹസന്‍ മുസ്‌ലിയാര്‍ സംസാരിക്കും.