മൊഹാലി: ഹിമാചല്‍പ്രദേശിലെ മൊഹാലിയില്‍ പൊലിസും ആയുധധാരികളും തമ്മില്‍ ഏറ്റുമുട്ടല്‍. ഒരാളെ പൊലിസ് വധിക്കുകയും മൂന്നു പേരെ അറസ്റ്റ് ചെയ്യുകയുമുണ്ടായി. ശനിയാഴ്ച പുലര്‍ച്ചെയാണ് സംഭവം.

അര്‍ധരാത്രിയില്‍ സൊഹാന പ്രദേശത്ത് വെടിയുതിര്‍ത്ത് രക്ഷപ്പെടാന്‍ ശ്രമിച്ച സംഘത്തെ മൊഹാലി പൊലിസ് സംഘം പിന്തുടര്‍ന്നു പിടികൂടുകയായിരുന്നു. കാറിലായിരുന്നു അക്രമികള്‍. മൊഹാലി എസ്.എസ്.പി കുല്‍ദീപ് സിങ് ഛഹാലിന്റെ നേതൃത്വത്തിലാണ് ഏറ്റുമുട്ടല്‍ നടന്നത്.

ഗുരുദാസ്പൂര്‍ കേന്ദ്രീകരിച്ചു പ്രവര്‍ത്തിക്കുന്ന ജഗ്ഗു ഗ്യാങില്‍ പെട്ടവരാണ് പ്രതികളെന്ന് പൊലിസ് പറഞ്ഞു. അറസ്റ്റിലായ മൂന്നുപേരെ പൊലിസ് ചോദ്യംചെയ്തുവരികയാണ്.