നാദാപുരം: സുപ്രഭാതം അഞ്ചാം വാര്‍ഷിക പ്രചരണ കാംപയിന്റെ ഭാഗമായി വാണിമേല്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ സംഘടിപ്പിക്കുന്ന റെയ്ഞ്ച്തല നേതൃസംഗമവും ജംഇയ്യത്തുല്‍ മുഅല്ലിമീന്‍ ജനറല്‍ ബോഡി യോഗവും നാളെ ഭൂമിവാതുക്കല്‍ നൂറുല്‍ ഹുദാ മദ്‌റസയില്‍ നടക്കും.
രാവിലെ എട്ടിന് ആരംഭിക്കുന്ന പരിപാടിയില്‍ റെയ്ഞ്ചിലെ മുഴുവന്‍ മദ്‌റസയിലേയും അധ്യാപകരും മാനേജ്‌മെന്റ് പ്രധിനിധികളും സമസ്തയുടേയും പോഷക സംഘടനകളുടേയും പ്രധാന പ്രവര്‍ത്തകരും പങ്കെടുക്കും.
സമസ്ത മുഫത്തിഷ് അശ്‌റഫ് യമാനി കാസര്‍കോട് അദ്ധ്യക്ഷത വഹിക്കും. സയ്യിദ് ടി.പി.സി തങ്ങള്‍ ഉദ്ഘാടനം ചെയ്യും. സുപ്രഭാതം സബ് എഡിറ്റര്‍ മുജീബ് ഫൈസി പൂലോട് മുഖ്യപ്രഭാഷണം നടത്തും.
മുദരിബ് ശരീഫ് ഫൈസി വയനാട്, അബ്ദുസലാം ദാരിമി അടിവാരം, അലി അസ്ഹരി, പി.പി അശ്‌റഫ് മൗലവി, ശിഹാബുദ്ധീന്‍ ദാരിമി, മുഹമ്മദ് റഹ്മാനി, എന്‍. സൂപ്പി മാസ്റ്റര്‍, ഒ.പി അമ്മത് മാസ്റ്റര്‍, സിദ്ധീഖ് വെള്ളിയോട്, ജാഫര്‍ ദാരിമി ഇരുന്നലാട്, മുഹമ്മദ് വാഫി വാണിമേല്‍ പ്രസംഗിക്കും.