കൊയിലാണ്ടി: ദേശീയപാതയില്‍ തിരുവങ്ങൂരില്‍ നിര്‍ത്തിയിട്ട സ്‌കൂള്‍ ബസില്‍ മരംമുറിഞ്ഞ് ഗതാഗതം സ്തംഭിച്ചു. ഇന്നലെ ഉച്ചയ്ക്ക് രണ്ട് മണിയോടെയായിരുന്നു സംഭവം.
തിരുവങ്ങൂര്‍ കാലിത്തീറ്റ ഫാക്ടറിക്ക് സമീപം നിര്‍ത്തിയിട്ട ഇലാഹിയ സ്‌കൂള്‍ ബസിന് മുകളിലേക്ക് 110 കെ.വി ലൈനില്‍ തട്ടിയാണ് മരക്കൊമ്പുകള്‍ പതിച്ചത്.
ബസില്‍ ആരും ഉണ്ടായിരുന്നില്ല. കൊയിലാണ്ടി ഫയര്‍‌സ്റ്റേഷനിലെ സ്റ്റേഷന്‍ ഓഫിസര്‍ സി.പി ആനന്ദിന്റേയും അസി. സ്റ്റേഷന്‍ ഓഫിസര്‍ കെ. സതീശന്റേയും നേതൃത്വത്തില്‍ ലീഡിങ് ഫയര്‍മാന്‍മാരായ പി.കെ ബാബു, ബി. വിജയന്‍ പി. വിജീഷ്, പ്രശാന്ത്, മുഹമ്മദ് ഗുരുഷാദ്, സത്യന്‍, നാരായണന്‍ തുടങ്ങിയവരും കൊയിലാണ്ടി പൊലിസും കെ.എസ്.ഇ.ബി ജീവനക്കാരും, നാട്ടുകാരും ചേര്‍ന്ന് ഏറെ നേരം പരിശ്രമിച്ചാണ് മരംമുറിച്ച് മാറ്റി ഗതാഗതം പുനഃസ്ഥാപിച്ചത്.