വെട്ടത്തൂര്‍: കാപ്പ് കിളിയത്ത് ആരംഭിച്ച ഹയാത്തുല്‍ ഇസ്‌ലാം മദ്‌റസയുടെ പ്രവര്‍ത്തനോദ്ഘാടനം വെട്ടത്തൂര്‍ റെയിഞ്ച് പ്രസിഡന്റ് എ.എം അബ്ദു മുസ്‌ലിയാര്‍ നിര്‍വഹിച്ചു. പി.എം ഉമ്മര്‍ ഹാജി അധ്യക്ഷനായി. എസ്.വൈ.എസ് മണ്ഡലം പ്രസിഡന്റ് എന്‍.അബ്ദുള്ള ഫൈസി മുഖ്യപ്രഭാഷണം നടത്തി.
മദ്‌റസാ വിദ്യാര്‍ഥികള്‍ക്കുള്ള പാഠപുസ്തകങ്ങള്‍ വിതരണം ചെയ്തു. കെ.എം.അബ്ദുല്‍ ഖാദര്‍ മുസ്‌ലിയാര്‍ പ്രാര്‍ഥനക്ക് നേത്യത്വം നല്‍കി. മഹല്ല് പ്രസിഡന്റ് പി.വി മുഹമ്മദ് ഹാജി, കെ.അസീസ് ഹാജി, കെ.പി.സുബൈര്‍ അല്‍ ഖാസിമി, പി.കെ.മുഹമ്മദലി, കെ.പി.ഹനീഫ, കെ.അബ്ദുല്‍ നാസര്‍ അന്‍വരി, എ.മുഹമ്മദ് തുടങ്ങിയവര്‍ സംസാരിച്ചു.
മേലാറ്റൂര്‍: ഏപ്പിക്കാട് ശംസുല്‍ ഹുദാ മദ്‌റസക്ക് കീഴിലായി പുല്ലാണിക്കാട് പള്ളിക്ക് സമീപം ആരംഭിച്ച മദ്‌റസയുടെ ഉദ്ഘാടനം സയ്യിദ് ഒ.എം.എസ് തങ്ങള്‍ നിസാമി നിര്‍വഹിച്ചു. എപ്പിക്കാട് ശംസുല്‍ ഹുദാ മദ്‌റസയിലെയും മറ്റു ബ്രാഞ്ച് മദ്‌റസകളിലെയും ഒന്നാം ക്ലാസിലെ വിദ്യാര്‍ഥികള്‍ക്ക് യൂനിറ്റ് എസ്.കെ.എസ്.എസ്.എഫ് കമ്മിറ്റി സൗജന്യമായി പാഠപുസ്തകങ്ങള്‍ വിതരണം ചെയ്തു.
കുഞ്ഞി മുഹമ്മദ് ഫൈസി, ടി.എച്ച് ദാരിമി, അലവി മുസ്‌ലിയാര്‍, പി.കെ.എം അസ്‌ലമി, കോയ ഹാജി, ഇഖ്ബാല്‍ മുസ്‌ലിയാര്‍ സംബന്ധിച്ചു.