മുക്കം: കാലവര്‍ഷം ശക്തമായതിനെ തുടര്‍ന്ന് വെള്ളപ്പൊക്കം മൂലം വയലുകളും കളി മൈതാനങ്ങളും നിറഞ്ഞു കവിഞ്ഞത് അഘോഷമാക്കി ചെറുവാടിക്കാര്‍.
ചൈനയില്‍ മാത്രം കാണുന്ന വഞ്ചി ബലാബല മത്സരം, വഞ്ചി തുഴയല്‍, ബോയ തുഴയല്‍ എന്നിവ വെള്ളം കയറിയ മിനി സ്റ്റേഡിയത്തില്‍ സംഘടിപ്പിച്ചാണ് ചെറുവാടിയിലെ കൂട്ടായ്മ വെള്ളപ്പൊക്കത്തെ ആഘോഷമാക്കിയത്. മത്സരങ്ങളിലെ വിദ്യാര്‍ഥികളുടെ സാന്നിധ്യവും ശ്രദ്ധേയമായി. പലരും ടയറുകളുടെ ട്യൂബുമായി മുതിര്‍ന്നവരുടെ മത്സരം വെള്ളത്തില്‍ നിന്ന് നോക്കി കണ്ടത് വ്യത്യസ്തമായി.
മുപ്പതോളം ടീമുകള്‍ പങ്കെടുത്ത മത്സരത്തില്‍ സി.കെ.ടി.വി ചെറുവാടി ജേതാക്കളായി. വിജയികള്‍ക്ക് വേക്കാട്ട് റഹ്മത്തുല്ല ട്രോഫിയും കാഷ് പ്രൈസും സമ്മാനിച്ചു. ഗ്ലോബല്‍ പ്രവാസി പ്രസിഡന്റ് അബ്ദുസലാം കോട്ടണ്‍ സ്‌പോട്ട് ഉദ്ഘാടനം ചെയ്തു.
ടി. ജബ്ബാര്‍ മുഖ്യാതിഥിയായി. വിജയികള്‍ക്ക് ഗുലാം ഹുസൈന്‍ കൊളക്കാടന്‍ ട്രോഫികളും പ്രൈസ് മണിയും വിതരണം ചെയ്തു. സല്‍മാന്‍ പൊയില്‍, നിയാസ് ചെറുവാടി, കുട്ടന്‍, പ്രകാശന്‍ നേതൃത്വം നല്‍കി.