വടകര: സമസ്ത നവോത്ഥാന കാംപയിനിന്റെ ഭാഗമായി സമസ്ത വടകര മണ്ഡലം ആദര്‍ശ സമ്മേളനം മെയ് രണ്ടിന് വടകരയില്‍ നടക്കും. വൈകിട്ട് ആറിന് സീതിസാഹിബ് മൈതാനത്തു വച്ചാണ് സമ്മേളനം നടക്കുക. സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. ഇസ്‌ലാമിനെ അടുത്തറിയുക എന്ന വിഷയത്തില്‍ നാസര്‍ ഫൈസി കൂടത്തായി, സലഫിസം വിചാരണ ചെയ്യപ്പെടുന്ന വിഷയത്തില്‍ അലവി ദാരിമി കുഴിമണ്ണ എന്നിവര്‍ സംസാരിക്കും. വില്ല്യാപ്പള്ളി ഇബ്രാഹിം മുസലിയാര്‍, സി.എച്ച് മഹ്മൂദ് സഅദി പങ്കെടുക്കും.
വടകര ബുസ്താനില്‍ ചേര്‍ന്ന സ്വാഗതസംഘം യോഗത്തില്‍ കെ.എം കുഞ്ഞമ്മദ് മുസ്‌ലിയാര്‍ അധ്യക്ഷനായി. വരയാലില്‍ മൊയ്തു ഹാജി, മുഹമ്മദ് പടിഞ്ഞാറത്തറ, എം. സുബൈര്‍ ഹാജി, എ.പി മഹമൂദ് ഹാജി, ഇ.പി.എ അസീസ് ബാഖവി, കെ.കെ മുസ്തഫ ഹസനി, അബ്ദുല്ല ദാരിമി, റാഷിദ് തങ്ങള്‍ കാരക്കാട്, കുട്ടോത്ത് മൂസ  ഹാജി, ആവള മുഹമ്മദ് മൗലവി, കോറോത്ത് നവാസ് മാസ്റ്റര്‍, വി.കെ ജമാല്‍ സംസാരിച്ചു.