കൊയിലാണ്ടി: കളഞ്ഞുകിട്ടിയ സ്വര്‍ണാഭരണം സീനിയര്‍ സിവില്‍ പൊലിസ് ഓഫിസര്‍ ഉടമസ്ഥയ്ക്ക് തിരിച്ചുനല്‍കി. ഈ മാസം ഒന്നാം തിയതി കൊയിലാണ്ടി പുതിയ ബസ് സ്റ്റാന്‍ഡില്‍ നിന്നു ഡി.വൈ.എസ്.പിയുടെ ക്രൈം സ്‌ക്വാഡിലുള്ള സീനിയര്‍ സിവില്‍ പൊലിസ് ഓഫിസര്‍ രാജീവിനാണ് സ്വര്‍ണ പാദസരം കളഞ്ഞുകിട്ടിയത്. തുടര്‍ന്ന് കൊയിലാണ്ടി പൊലിസ് നടത്തിയ അന്വേഷണത്തിലാണ് ഉടമസ്ഥയെ കണ്ടെത്തിയത്. കണ്ണങ്കടവ് പി.പി ഹൗസിലെ ഫഹാദിന്റെ ഭാര്യ സുര്‍മിനയ്ക്കാണ് പാദസരം തിരിച്ചേല്‍പ്പിച്ചത്. കൊയിലാണ്ടി സി.ഐ കെ. ഉണ്ണികൃഷ്ണന്‍ സ്റ്റേഷനില്‍ വച്ച് സ്വര്‍ണാഭരണം കൈമാറി.