തിരുവമ്പാടി: ഒരുകിലോ കഞ്ചാവുമായി ഇതരസംസ്ഥാന തൊഴിലാളി തിരുവമ്പാടിയില്‍ പിടിയില്‍. പശ്ചിമബംഗാള്‍ ഹൗറ സ്വദേശി പൊളാസ് മണ്ഡല്‍ ആണ് തിരുവമ്പാടി പൊലിസിന്റെ പിടിയിലായത്. പാല്‍സൊസൈറ്റിക്ക് സമീപത്തെ പാര്‍ക്കിങ് ഗ്രൗണ്ടില്‍വച്ചാണ് ഇയാളെ ഇന്നലെ ഉച്ചക്ക് പിടികൂടിയത്.
രഹസ്യവിവരത്തിന്റെ അടിസ്ഥാനത്തില്‍ കൊടുവള്ളി സി.ഐ ചന്ദ്രമോഹന്റെ നിര്‍ദേശപ്രകാരം തിരുവമ്പാടി എസ്.ഐ സനല്‍രാജിന്റെ നേതൃത്വത്തില്‍ നടത്തിയ പരിശോധനയിലാണ് ഇയാള്‍ പിടിയിലായത്. ബാഗിലെ പ്ലാസ്റ്റിക് കവറിലും ശരീരത്തിലുമായി സൂക്ഷിച്ച നിലയിലായിരുന്നു കഞ്ചാവ്.കൊടുവള്ളി സി.ഐ ചന്ദ്രമോഹന്‍, തിരുവമ്പാടി എസ്.ഐ സനല്‍രാജ്, എ.എസ്.ഐ അഷ്‌റഫ്, സി.പി.ഒമാരായ ജിനേഷ് കുര്യന്‍, അനീസ്, അനൂപ്, താമരശ്ശേരി ഡിവൈ.എസ്.പിയുടെ ക്രൈം സ്‌ക്വാഡ് അംഗങ്ങളായ എ.എസ്.ഐ രാജീവ്ബാബു, സി.പി.ഒമാരായ ഷിബില്‍ ജോസഫ്, ഷഫീഖ് നീലിയാനിക്കല്‍, ഹരിദാസന്‍ എന്നിവരും സംഘത്തിലുണ്ടായിരുന്നു.