കുറ്റ്യാടി: കുറ്റ്യാടി-മുള്ളന്‍കുന്ന് റോഡിന്റെ ശോച്യാവസ്ഥ പരിഹരിക്കണമെന്ന ആവശ്യം ശക്തമാകുന്നു. മലയോര മേഖലയിലെ ജനങ്ങളുടെ ഏക ഗതാഗതമാര്‍ഗമായ റോഡ് പൊട്ടിപ്പൊളിഞ്ഞ് കാല്‍നട യാത്രപോലും ദുസ്സഹമായിരിക്കുകയാണ്. റോഡിന്റെ ശോച്യാവസ്ഥ പരിഹരിക്കണമെന്നാവശ്യപ്പെട്ട് കേരള കോണ്‍ഗ്രസ് (എം) ജില്ലാ പ്രസിഡന്റ് ജോണ്‍ പൂതക്കുഴി പൊതുമരാമത്ത് മന്ത്രി, നാദാപുരം എം.എല്‍.എ ഇ.കെ വിജയന്‍, എക്‌സിക്യുട്ടിവ് എന്‍ജിനിയര്‍ എന്നിവര്‍ക്ക് നിവേദനം നല്‍കി.