അന്തിക്കാട്: തൃപ്രയാര്‍ പാലത്തിന്റെ കിഴക്കേ കരയില്‍ പിക്കപ് വാനും ടെമ്പോയും കൂട്ടിയിടിച്ച് രണ്ടുപേര്‍ക്ക് പരുക്കേറ്റു. ഇന്നലെ രാവിലെ പച്ചക്കറി കയറ്റിവന്നിരുന്ന പിക്കപ്പ് വാന്‍ എതിരെ വന്ന ടെമ്പോയുമായി കൂട്ടിയിടിച്ചാണ് അപകടം.
തളിക്കുളം സ്വദേശി പുതിയവീട്ടില്‍ ഖലീല്‍ (35) തൃപ്രയാറിലെ സൂപ്പര്‍മാര്‍ക്കറ്റ് ജീവനക്കാരന്‍ കല്‍ക്കട്ട സ്വദേശി സഫീക്കുള്‍ (35) എന്നിവര്‍ക്കാണ് പരുക്കേറ്റത്. സഫിക്കുളിന്റെ പരുക്ക് ഗുരുതരമാണ്. ഇവരെ തൃപ്രയാര്‍ ആക്ട്‌സ് പ്രവര്‍ത്തകര്‍ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തില്‍ പിക്കപ് വാനിന്റെ മുന്‍ഭാഗം പൂര്‍ണമായും തകര്‍ന്നു.