അമ്പലവയല്‍: സംസ്ഥാന കൃഷി വകുപ്പും കേരള കാര്‍ഷിക സര്‍വകലാശാലയും ചേര്‍ന്ന് അമ്പലവയലില്‍ നടത്തുന്ന അന്താരാഷ്ട്ര ചക്ക മഹോത്സവം ഇന്ന് സമാപിക്കും. വൈകിട്ട്് മൂന്നിന് നടക്കുന്ന സമാപന സമ്മേളനം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. ജില്ലാപഞ്ചായത്ത് പ്രസിഡന്റ് കെ.ബി നസീമ അധ്യക്ഷയാകും. അമ്പലവയല്‍ പഞ്ചായത്ത് പ്രസിഡന്റ് സീത വിജയന്‍ സമ്മാനദാനം നിര്‍വഹിക്കും. ഗവേഷണ കേന്ദ്രം ജനറല്‍ കൗണ്‍സില്‍ മെമ്പര്‍ ചെറുവയല്‍ രാമന്‍ കര്‍ഷകരെയും സംരംഭകരെയും ആദരിക്കും. ഗവേഷണ കേന്ദ്രം മേധാവി ഡോ. പി രാജേന്ദ്രന്‍ റിപ്പോര്‍ട്ട് അവതരിപ്പിക്കും.