കൊച്ചി: കുമ്പസാര രഹസ്യം മറയാക്കി വീട്ടമ്മയെ പീഡിപ്പിച്ച കേസില്‍ ഒളിവില്‍ കഴിയുന്ന പ്രതികളെ അറസ്റ്റ് ചെയ്യാന്‍ നടപടികള്‍ ഊര്‍ജിതമാക്കി അന്വേഷണസംഘം. കേസിലെ ഒന്നാംപ്രതി ഫാ. എബ്രഹാം വര്‍ഗീസിന്റെ പാസ്‌പോര്‍ട്ട് ക്രൈംബ്രാഞ്ച് പിടിച്ചെടുത്തു. പ്രതികള്‍ വിദേശത്തേക്ക് കടക്കാന്‍ സാധ്യതയുണ്ടെന്ന് മുന്നില്‍ കണ്ടാണ് നടപടി.

കേസില്‍ ഒന്നാംപ്രതി ഫാ. എബ്രഹാം വര്‍ഗീസ്, നാലാംപ്രതി ഫാ. ജെയ്‌സ് കെ ജോര്‍ജ് എന്നിവരാണ് ഇനി അറസ്റ്റിലാവാനുള്ളത്.  ഇവർ ഇന്ന് അറസ്റ്റിലാവുമെന്നാണ് സൂചന. പ്രതികള്‍ക്കായി ബന്ധുവീട്ടിലടക്കം വ്യാപക തെരച്ചില്‍ നടത്തുന്നുണ്ട്.

നിലവില്‍ റിമാന്‍ഡില്‍ കഴിയുന്ന ഫാദര്‍ ജോബ് മാത്യു, ജോണ്‍സണ്‍ വി മാത്യു എന്നിവരുടെ ജാമ്യഹരജി തിങ്കളാഴ്ച കോടതി പരിഗണിക്കും.