വടകര: ഏറാമലയില്‍ വടകര എക്‌സൈസ് സംഘം നടത്തിയ പരിശോധനയില്‍ അന്‍പത് ലിറ്റര്‍ ചാരായവുമായി രണ്ടുപേര്‍ അറസ്റ്റിലായി. ഏറാമല തുരുത്തിമുക്ക് റോഡില്‍ കൂമുള്ളി ക്ഷേത്രത്തിനു സമീപത്തു നിന്നാണ് ചാരായം പിടികൂടിയത്. മദ്യലഭ്യത കുറഞ്ഞ സാഹചര്യത്തില്‍ ചാരായം വാറ്റ് വര്‍ധിച്ചതിനാല്‍ മേഖലയില്‍ എക്‌സൈസ് നിരീക്ഷണം ശക്തമാക്കിയിരുന്നു.
ചെമ്പ്രമീത്തല്‍ പവിത്രന്‍, പരവന്റവിട മോഹനന്‍ എന്നിവരെയാണ് ചാരായവുമായി പിടികൂടിയത്. അഇവര്‍ സ്ഥിരം വാറ്റുകാരാണെന്ന് പറയപ്പെടുന്നു. വ്യാജവാറ്റിനും മാഹിയില്‍ നിന്നുള്ള മദ്യക്കടത്തിനുമെതിരേ പരിശോധന കര്‍ശനമാക്കിയതായി എക്‌സൈസ് അറിയിച്ചു.