തലശ്ശേരി: വിശുദ്ധ ഖുര്‍ആനിലൂടെ ഇസ്ലാം വിഭാവനം ചെയ്യുന്ന ശാന്തിയുടെയും സമാധാനത്തിന്റെയും സന്ദേശങ്ങള്‍ ശരിയായ രീതിയില്‍ ജനങ്ങളില്‍ എത്തിക്കുകയും ഉള്‍ക്കൊള്ളുകയും ചെയ്യുന്നതിലൂടെ ഇസ്ലാമിനെതിരെയുള്ള പല തെറ്റിദ്ധാരണകള്‍ക്കും വിരാമമിടുമെന്നും, ഖുര്‍ആന്‍ കോളജുകള്‍ നാടിന് വെളിച്ചമാകുമെന്നും പാണക്കാട് സയ്യിദ് സാദിഖലി ശിഹാബ് തങ്ങള്‍ വ്യക്തമാക്കി. വര്‍ഗീയതയ്ക്കും തീവ്രവാദത്തിനുമെതിരെ നിലക്കൊള്ളാനാണ് ഖുര്‍ആന്‍ വിഭാവനം ചെയ്യുന്നതെന്നും തങ്ങള്‍ പറഞ്ഞു. വയലക്കണ്ടി ഖുതുബി തഹ്ഫീളുല്‍ ഖുര്‍ആന്‍ കോളജ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമസ്ത കേന്ദ്ര മുശാവറ അംഗം ടി എസ് ഇബ്രാഹിം കുട്ടി മുസ്ല്യാര്‍ അദ്ധ്യക്ഷനായി.
സമസ്ത കേരള ജംയ്യത്തുല്‍ ഉലമ സെക്രട്ടറി പി പി ഉമ്മര്‍ മുസ്ല്യാര്‍ പ്രാര്‍ത്ഥനയ്ക്ക് നേത്യത്വം നല്‍കി. സിറാജുദ്ധീന്‍ അല്‍ ഖാസിമി പത്തനാപുരം മുഖ്യ പ്രഭാഷണം നടത്തി.അഡ്വ പി വി സൈനുദ്ധീന്‍, ടി എച്ച് ഇബ്രാഹിം കുട്ടി, അഡ്വ കെ എ ലത്തീഫ്, പാലത്തായി മൊയ്തു ഹാജി, എ പി ഇസ്മായീല്‍, റസാഖ് ഹാജി, ടി എച്ച് അസ്ലം,
അല്‍ ഹാഫിള് ഇബ്രാഹിം ഫൈസി, മമ്മു ഹാജി ഒഞ്ചിയം, ഷാഫി ബാഖവി, കെ കെ റഹീം, കെ സുലൈമാന്‍, കെ കെ റഹീം, ഷൗക്കത്തലി ബാഖവി, റജീസ് വയലക്കണ്ടി സംസാരിച്ചു.