തലശ്ശേരി: വിദ്യാര്‍ഥിനിയെ പീഡിപ്പിച്ച കേസില്‍ അധ്യാപകന്‍ പിടിയില്‍. ചൊക്ലി പന്ന്യന്നൂര്‍ കരിഞ്ഞപറമ്പത്ത് വിജയകുമാറി(46)നെയാണ് ടൗണ്‍ പ്രിന്‍സിപ്പല്‍ എസ്.ഐ എം. അനിലും സംഘവും അറസ്റ്റ് ചെയ്തത്. പെരിങ്ങാടിയിലെ ബന്ധു വീട്ടില്‍ ഒളിവില്‍ കഴിയുകയായിരുന്നു ഇയാള്‍. കഴിഞ്ഞ മാസം 14നാണ് കേസിനാസ്പദമായ സംഭവം. പൊലിസ് കേസെടുത്തതോടെ ചെന്നൈയിലേക്ക് മുങ്ങിയതായും പിന്നീട് വടകരയിലെത്തി സുഹൃത്തുക്കളുടെ വീടുകളില്‍ ഒളിവില്‍ കഴിഞ്ഞ ശേഷമാണ് പെരിങ്ങാടിയിലെ ബന്ധു വീട്ടിലെത്തിയതെന്നും പൊലിസ് പറഞ്ഞു. ഇതിനിടെ വിജയകുമാര്‍ നല്‍കിയ മുന്‍കൂര്‍ ജാമ്യ ഹരജി ജില്ലാ കോടതി തള്ളിയിരുന്നു. പ്രതിയെ ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതി റിമാന്‍ഡ് ചെയ്തു.