മാവൂര്‍: ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിയുടെ അംഗീകാരത്തോടെ കുറ്റിക്കാട്ടൂര്‍ മുസ്‌ലിം യതീംഖാന കാംപസില്‍ പുതുതായി ആരംഭിക്കുന്ന ശംസുല്‍ ഹുദാ ഇസ്‌ലാമിക് അക്കാദമി ഉദ്ഘാടനം 20ന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വഹിക്കും. ഉച്ചയ്ക്കു രണ്ടിനു നടക്കുന്ന ചടങ്ങില്‍ യതീംഖാനാ ചെയര്‍മാന്‍ സയ്യിദ് ബഷീറലി ശിഹാബ് തങ്ങള്‍ അധ്യക്ഷനാകും. ദാറുല്‍ ഹുദാ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി ക്ലാസ് ഉദ്ഘാടനം നിര്‍വഹിക്കും. സമസ്ത കേന്ദ്ര മുശാവറ അംഗം കെ. ഉമ്മര്‍ ഫൈസി മുക്കം, എം.സി മായിന്‍ ഹാജി, ദാറുല്‍ ഹുദാ സെക്രട്ടറി യു. ശാഫി ഹാജി, ദാറുല്‍ ഹുദാ പി.ജി ഡീന്‍ കെ.സി മുഹമ്മദ് ബാഖവി, റഹ്മത്തുല്ല ഖാസിമി മൂത്തേടം, റഷീദ് ഫൈസി വെള്ളായിക്കോട്, അബൂബക്കര്‍ ഫൈസി മലയമ്മ, സയ്യിദ് മുബശ്ശിര്‍ ജമലുല്ലൈലി തങ്ങള്‍, പുവ്വാട്ട് മൊയ്തീന്‍ ഹാജി, കെ.പി കോയ, കെ. മൂസ മൗലവി, ഇ. അബൂബക്കര്‍ വഹബി, ടി.പി സുബൈര്‍ മാസ്റ്റര്‍, ടി.പി മുഹമ്മദ്, പി. ബാവ ഹാജി, മുഹമ്മദ് കുഞ്ഞി സഖാഫി സംബന്ധിക്കും. പരിപാടികള്‍ വിജയിപ്പിക്കുന്നതിനു ചേര്‍ന്ന സ്വാഗതസംഘം യോഗം ദമാം കമ്മിറ്റി സെക്രട്ടറി സി. സലാം ഹാജി ഉദ്ഘാടനം ചെയ്തു. യതീംഖാനാ പ്രസിഡന്റ് എ.ടി ബഷീര്‍ അധ്യക്ഷനായി. പ്രിന്‍സിപ്പല്‍ ഉനൈസ് ഹുദവി പ്രാര്‍ഥന നടത്തി. ജന. സെക്രട്ടറി ഇ.എം കോയ ഹാജി, ജോ. സെക്രട്ടറി പി. അബ്ബാസ് ഹാജി സംസാരിച്ചു.