കാസര്‍കോട്: ഭെല്‍ ഇ.എം.എല്‍ വളപ്പിനകത്തെ മൂന്നു ചന്ദനമരങ്ങള്‍ മോഷണം പോയതായി പരാതി. 31 ഇഞ്ച്, 25 ഇഞ്ച്, 21 ഇഞ്ച് വീതിയുണ്ടായിരുന്ന മരങ്ങളാണ് മോഷണം പോയതെന്ന് ഭെല്‍ ഇ.എം.എല്‍ സീനിയര്‍ ഡെപ്യൂട്ടി സ്‌പെഷലിസ്റ്റ് ബാലകൃഷ്ണ മേനോന്‍ കാസര്‍കോട് പൊലിസില്‍ നല്‍കിയ പരാതിയില്‍ പറയുന്നു.
ഏകദേശം രണ്ടരലക്ഷം രൂപ വില വരുന്ന ചന്ദനമരങ്ങളാണ് മോഷണം പോയതെന്നും പരാതിയില്‍ പറയുന്നു.
10നു രാത്രി 11നും 11നു പുലര്‍ച്ചെക്കും ഇടയിലാണ് മോഷണം. കാസര്‍കോട് പൊലിസ് അന്വേഷണം ആരംഭിച്ചു.