കണ്ണൂര്‍: കീച്ചേരിയില്‍ ഉപേക്ഷിച്ച നിലയില്‍ ഒമ്പത് വാളുകള്‍ കണ്ടെത്തിയതിനെ തുടര്‍ന്ന്  വളപട്ടണം എസ്.ഐ ശ്രീജിത്തിന്റെ നേതൃത്വത്തില്‍ പൊലിസ് അന്വേഷണം ഊര്‍ജിതമാക്കി.
ദേശീയപാതയിലെ കൈരളി വീവേഴ്‌സ് സൊസൈറ്റിക്കടുത്തുള്ള കപ്പാലത്തിനടിയില്‍ ചൊവ്വാഴ്ച തൊഴിലുറപ്പ് തൊഴിലാളികള്‍ തോട് ശുചീകരിക്കുന്നതിനിടെയാണ് ഉപേക്ഷിച്ച നിലയിലാണ് പേപ്പറില്‍ പൊതിഞ്ഞ വാളുകള്‍ കണ്ടെത്തിയത്. നേരത്തെ കീച്ചേരിയിലും മറ്റും ആയുധങ്ങള്‍ കണ്ടെത്തിയിരുന്നു. അതേ വാളുകളുമായി ഇതിന് സാമ്യമുണ്ടെന്നാണ് പൊലിസ് പറയുന്നത്.
ഇതിനു ശേഷം കീച്ചേരി, അരോളി ഭാഗങ്ങളില്‍ പൊലിസ് തെരച്ചില്‍ നടത്തി. ആറുമാസം മുമ്പ് പത്തിലധികം വാളുകള്‍ മേഖലയില്‍ നിന്നു കണ്ടെത്തിയിരുന്നുവെന്ന് പൊലിസ് പറഞ്ഞു.