പരപ്പനങ്ങാടി: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ പ്രവര്‍ത്തന കലണ്ടര്‍ ഭാഗമായി പരപ്പനങ്ങാടി മേഖല കമ്മിറ്റി സംഘടിപ്പിച്ച കൗണ്‍സില്‍ ക്യാംപും ലീഡേഴ്‌സ് പാര്‍ലമെന്റും ഉള്ളണം ലത്തീഫിയ്യ മദ്‌റസയില്‍ ജില്ലാ സെക്രട്ടറിയേറ്റ് അംഗം മുഹമ്മദ് ശമീം ദാരിമി ഉദ്ഘാടനം ചെയ്തു. സൈതലവി ഫൈസി അധ്യക്ഷനായി. നൗഷാദ് ബാഖവി ഒട്ടുമ്മല്‍ മുഖ്യപ്രഭാഷണം നടത്തി. സയ്യിദ് ശിയാസ് തങ്ങള്‍ ജിഫ്‌രി റിപ്പോര്‍ട്ട് അവതരിപ്പിച്ചു. കടലുണ്ടിനഗരം ക്ലസ്റ്റര്‍ കൗണ്‍സില്‍ മീറ്റ് 17നും പാലത്തിങ്ങല്‍ക്ലസ്റ്റര്‍ 19, പരപ്പനങ്ങാടി, ചെട്ടിപ്പടി, ഉള്ളണം ക്ലസ്റ്റര്‍ കൗണ്‍സില്‍ 22നും നടക്കും. ആഗസ്റ്റ് 15ന് നടക്കുന്ന ഫ്രീഡം സ്‌ക്വയര്‍ പാലത്തിങ്ങല്‍ ടൗണില്‍ നടത്താനും സുപ്രഭാതം, സത്യധാര കാംപയിന്‍ വിജയിപ്പിക്കുവാനും തീരുമാനിച്ചു. റഫീഖ് ഉള്ളണം, ബദറുദ്ദീന്‍ ചുഴലി, ഡോ. റിയാസ്, അബ്ദുല്‍ബാരി ഫൈസി, സിദ്ധീഖ് ഫൈസി, ജംഷീര്‍ പരപ്പനങ്ങാടി, ലിയാക്കത്ത് കടലുണ്ടിനഗരം സംസാരിച്ചു.