കൂത്തുപറമ്പ്: കേരള സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ ജില്ലാ സമ്മേളനം 28, 29 തിയതികളില്‍ കൂത്തുപറമ്പില്‍ നടക്കും. 28ന് രാവിലെ 9.30ന് കൂത്തുപറമ്പ് റൂറല്‍ ബാങ്ക് ഓഡിറ്റോറിയത്തില്‍ സമ്മേളനം കെ.കെ രാഗേഷ് എം.പി ഉദ്ഘാടനം ചെയ്യും. 11.30ന് കഥാകൃത്ത് ടി.പി വേണുഗോപാല്‍ പ്രഭാഷണം നടത്തും. ഉച്ചയ്ക്ക് 2.30ന് വനിതാ സമ്മേളനം ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ ഉദ്ഘാടനം ചെയ്യും. വൈകുന്നേരം 5ന് മാറോളിഘട്ട് ടൗണ്‍സ്‌ക്വയറില്‍ പൊതുസമ്മേളനം മുന്‍ മന്ത്രി കെ.പി മോഹനന്‍ ഉദ്ഘാടനം ചെയ്യും.
29ന് രാവിലെ 10ന് പ്രതിനിധി സമ്മേളനം കെ.എസ്.എസ്.പി.യു സംസ്ഥാന രക്ഷാധികാരി സി.പി നാരായണന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ നഗരസഭ ചെയര്‍മാന്‍ എം. സുകുമാരന്‍, വി.പി കൃഷ്ണ പൊതുവാള്‍, പി.വി പത്മനാഭന്‍, പി. പ്രഭാകരന്‍, കെ. കൃഷ്ണന്‍ പങ്കെടുത്തു.