ജിദ്ദ : പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന ജിദ്ദ എസ്.ഐ.സി ജനറല്‍ സെക്രട്ടറി സവാദ് പേരാമ്പ്രക്ക് എസ്.ഐ.സി സെന്‍ട്രല്‍ കമ്മിറ്റി ഹൃദ്യമായ യാത്രയയപ്പു നല്‍കി. എസ്.ഐ.സി ഓഡിറ്റോറിയത്തില്‍ വെച്ച് നടന്ന പരിപാടി സി.എച് ത്വയ്യിബ് ഫൈസി ഉത്ഘാടനം ചെയ്തു. സയ്യിദ് അന്‍വര്‍ തങ്ങള്‍ കല്‍പകഞ്ചേരി അധ്യക്ഷത വഹിച്ചു. അലി മൗലവി നാട്ടുകല്‍ ആമുഖ പ്രഭാഷണം നടത്തി.

മിസ്അബ് വാഫി, അസീസ് പറപ്പൂര്‍, എന്‍. പി അബുബക്കര്‍ ഹാജി കൊണ്ടോട്ടി, എം. സി സുബൈര്‍ ഹുദവി കൊപ്പം, മന്‍സൂര്‍ ഹുദവി തുടങ്ങിയവര്‍ യാത്ര മംഗളം നേര്‍ന്നു സംസാരിച്ചു. മുജീബ് റഹ്മാനി മൊറയൂര്‍ ഉപസംഹാര പ്രസംഗം നടത്തി.

എസ് ഐ സി വക ഉപഹാരം സി. എച്. ത്വയ്യിബ് ഫൈസി സവാദിന് സമ്മാനിച്ചു. സവാദ് പേരാമ്പ്ര മറുപടി പ്രസംഗം നടത്തി.
എസ് ഐ സി വര്‍ക്കിംഗ് സെക്രട്ടറി ദില്‍ഷാദ് കാടാമ്പുഴ സ്വാഗതവും അബ്ദുറഷീദ് മണിമൂളി നന്ദിയും പറഞ്ഞു.