തലക്കുളത്തൂര്‍: സാമൂഹിക ഉന്നമനത്തിനും സാംസ്‌കാരിക സമ്പന്നതക്കും ധാര്‍മിക വിദ്യാഭ്യാസം അനിവാര്യമാണെന്ന് എം.പി അബ്ദുസ്സമദ് സമദാനി. പുറക്കാട്ടിരി സിറാജുല്‍ ഇസ്‌ലാം മദ്‌റസയുടെ ഓഡിയോ വിഷ്വല്‍ ലാബിന്റെയും സമസ്തയുടെ ഹിക്മ പദ്ധതിയുടെ ഭാഗമായുള്ള ട്രെയ്‌നിങ് പ്രോഗ്രാമിന്റെയും ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
ചടങ്ങില്‍ മഹല്ല് പ്രസിഡന്റ് കെ.പി മുഹമ്മദലി ഹാജി അധ്യക്ഷനായി. സമസ്ത ഹിക്മ പദ്ധതി ട്രെയ്‌നര്‍ ഇസ്മാഈല്‍ ബാഖവി, മഹല്ല് ഖത്വീബ് മൂസ ബാഖവി, സ്വദര്‍ മുഅല്ലിം ബഷീര്‍ ഫൈസി, മഹല്ല് സെക്രട്ടറി സി. ഉമ്മര്‍, റഫീഖ് റഹ്മാനി, അബ്ദു ഹാജി, അബ്ദു സലീം ഹാജി, ടി. അബ്ദുല്‍ അസിസ്, ടി.ടി മമ്മദ് കോയ, ഇ.സി ദസ്ത, കെ. അബൂബക്കര്‍, അബ്ദുല്‍ ഖാദര്‍, ജഅ്ഫര്‍, ഹനീഫ ഹാജി, കുഞ്ഞായന്‍ കോയ ഹാജി, സുല്‍ഫിക്കര്‍, നാസിഫ്, സി. നജീബ്, കെ. ഫൈജാസ്, ആര്‍.എം നൗഫല്‍ സംബന്ധിച്ചു.