തിരൂരങ്ങാടി: നിയമലംഘനം നടത്തിയ സ്‌കൂള്‍ വാഹനങ്ങള്‍ മോട്ടോര്‍ വാഹനവകുപ്പധികൃതര്‍ പിടികൂടി കേസെടുത്തു.
കുട്ടികളെ കുത്തിനിറച്ചുകൊണ്ടുപോയ മൂന്നു ബസുകള്‍ നന്നമ്പ്രയില്‍ വെച്ച് പിടികൂടി. ഡ്രൈവിങ് ലൈസന്‍സില്ലാതെ സ്‌കൂള്‍ വിദ്യാര്‍ഥികളെ കൊണ്ടുപോയ നാല് ഓട്ടോറിക്ഷകള്‍, ഇന്‍ഷുറന്‍സില്ലാതെ സര്‍വിസ് നടത്തിയ പത്ത് വാഹനങ്ങളും ലൈസന്‍സില്ലാതെ സര്‍വിസ് നടത്തുന്ന എട്ട് വാഹനങ്ങളും പിടികൂടി. പരിശോധനയ്ക്ക് എ.എം.വി.ഐ മാരായ സുരേഷ്ബാബു, അബ്ദുല്‍കരീം, ഷാജില്‍കുമാര്‍, അനുമോദ് കുമാര്‍ എന്നിവര്‍ നേതൃത്വം നല്‍കി. തുടര്‍ ദിവസങ്ങളിലും പരിശോധന കര്‍ശനമാക്കുമെന്ന് അധികൃതര്‍ അറിയിച്ചു.