കട്ടാങ്ങല്‍: പുള്ളനൂര്‍ ശംസുല്‍ ഹുദാ മദ്‌റസയില്‍ നടന്ന പ്രവേശനോത്സവം സദര്‍ മുഅല്ലിം മുഹമ്മദ് ദാരിമി ഉദ്ഘാടനം ചെയ്തു. അബ്ദുല്‍ അസീസ് ഹാജി അധ്യക്ഷനായി.
പൊതുപരീക്ഷയില്‍ സംസ്ഥാന തലത്തില്‍ ഉയര്‍ന്ന മാര്‍ക്ക് നേടിയ വിദ്യാര്‍ഥികളെ അനുമോദിച്ചു. അബൂബക്കര്‍ കുട്ടിഹാജി, പി.വി അബ്ദുല്ല മുസ്‌ലിയാര്‍, മുഹമ്മദ് കോയ ഹുദവി, ആലി മുസ്‌ലിയാര്‍, ഫരീദ് മാസ്റ്റര്‍ പ്രസംഗിച്ചു.
പുള്ളാവൂര്‍ നൂറുല്‍ ഇസ്‌ലാം ഹയര്‍ സെക്കന്‍ഡറി മദ്‌റസയില്‍ നടന്ന പ്രവേശനോത്സവം എം.സി മുഹമ്മദ് മുസ്‌ലിയാര്‍ ഉദ്ഘാടനം ചെയ്തു. കുന്നത്ത് മുഹമ്മദ് ഹാജി അധ്യക്ഷനായി. ഹാഷിര്‍ ഫൈസി, ഇസ്മാഈല്‍ വാഫി, അസീസ് പുള്ളാവൂര്‍, നിസാര്‍ യമാനി, കെ.പി.എ മജീദ്, പി.വി അസീസ് പ്രസംഗിച്ചു.
മുക്കം: ചെറുവാടി ചുള്ളിക്കാപറമ്പ് ഹിദായത്തുല്‍ മുസ്‌ലിമീന്‍ മദ്‌റസയില്‍ പ്രവേശനോത്സവം സംഘടിപ്പിച്ചു. എസ്.വൈ.എസ് പഞ്ചായത്ത് പ്രസിഡന്റ് വൈത്തല അബൂബക്കര്‍ ഉദ്ഘാടനം ചെയ്തു. കെ. അബ്ദുല്‍ സലാം ഹാജി അധ്യക്ഷനായി. പി. മമ്മദ്, ഇബ്‌റാഹിം ഫൈസി, മൊയ്തീന്‍ മുസ്‌ലിയാര്‍, ഹര്‍ഷാദ് ദാരിമി, ജൗഹര്‍ മുസ്‌ലിയാര്‍, അക്ബര്‍ അലി, ഷാഫി സംസാരിച്ചു.
കോഴിക്കോട്: ചക്കുംകടവ് മഹല്ല്, എസ്.വൈ.എസ്, എസ്.കെ.എസ്.എസ്.എഫ്, എസ്.ബി.വി കമ്മിറ്റികള്‍ സംയുക്തമായി ഖുവ്വത്തുല്‍ ഇസ്‌ലാം മദ്‌റസയില്‍ പ്രവേശനോത്സവം സംഘടിപ്പിച്ചു. ഇടിയങ്ങര ഖത്തീബ് ഗഫാര്‍ ദാരിമി ഉദ്ഘാടനം ചെയ്തു.
ഒന്നാം തരത്തിലെ എല്ലാ വിദ്യാര്‍ഥികള്‍ക്കും പുസ്തകങ്ങള്‍ വിതരണം ചെയ്തു. പ്രസിഡന്റ് ഹസ്സന്‍കോയ അധ്യക്ഷനായി. പന്നിയങ്കര റെയ്ഞ്ച് പ്രസിഡന്റ് ത്വാഹ യമാനി മാറാട്, മഹല്ല് ഖത്തീബ് അബ്ദുല്‍ ലത്തീഫ് ഫൈസി, ബീരാന്‍കുട്ടി ഫൈസി, ഡോ. പൂഞ്ചോല മുഹമ്മദലി, അസ്‌കര്‍, മുഹമ്മദ് അനീസ് സംസാരിച്ചു.
ഓമശ്ശേരി: മാവുള്ളകുണ്ടം ഹയാത്തുല്‍ ഇസ്‌ലാം മദ്‌റസയുടെ ആഭിമുഖ്യത്തില്‍ പ്രവേശനോത്സവവും ഉന്നതവിജയികളെ ആദരിക്കല്‍ സദസും സംഘടിപ്പിച്ചു. ഓമശ്ശേരി മേഖലാ എസ്.കെ.എസ്.എസ്.എഫ് പ്രസിഡന്റ് പി.ടി മുഹമ്മദ് കാതിയോട് ഉദ്ഘാടനം നിര്‍വഹിച്ചു. എസ്.കെ.എസ്.എസ്.എഫ് സ്റ്റേറ്റ് ഓര്‍ഗനൈസിങ് സെക്രട്ടറി കുഞ്ഞാലന്‍കുട്ടി ഫൈസി മുഖ്യപ്രഭാഷണം നടത്തി.
മഹല്ല് പ്രസിഡന്റ് അബ്ദുറഹ്മാന്‍ ഹാജി അധ്യക്ഷനായി. ഉന്നത വിജയികള്‍ക്കുള്ള ഉപഹാര സമര്‍പ്പണം മഹല്ല് സെക്രട്ടറി പി.പി മുഹമ്മദ് ഹാജി നിര്‍വഹിച്ചു. എസ്.കെ.എസ്.എസ്.എഫ് യൂനിറ്റ് കമ്മിറ്റിയുടെയും മാവുള്ളകണ്ടം പ്രവാസി കൂട്ടായ്മയുടെയും നേതൃത്വത്തില്‍ സൗജന്യ പുസ്തക വിതരണം നടത്തി.
ചടങ്ങില്‍ മഹല്ല് ഖത്തീബ് ഹാരിസ് മുഹമ്മദ് ഹൈതമി തെച്ച്യാട്, മുഹമ്മദലി അശ്അരി കരിപ്പൂര്‍, മജീദ് ഫൈസി, ഷാഫി ഹുദവി, ഒ. ജുറൈജ്, പി.കെ സത്താര്‍, ഇസ്സുദ്ദീന്‍ സംസാരിച്ചു.
കോഴിക്കോട്: ഈസ്റ്റ് വെള്ളിമാട്കുന്ന് മുഈനുദ്ദീന്‍ മദ്‌റസയില്‍ നടന്ന പ്രവേശനോത്സവം സനാഉല്ലാ ബാഅലവി തങ്ങള്‍ ഉദ്ഘാടനം ചെയ്തു. സദര്‍ മുഅല്ലിം നൗഫല്‍ ഫൈസി കുറ്റിക്കാട്ടൂര്‍ അധ്യക്ഷനായി.
സമസ്ത പൊതുപരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്ക് എസ്.കെ.എസ്.എസ്.എഫ് ശാഖാ കമ്മിറ്റി ഏര്‍പ്പെടുത്തിയ അവാര്‍ഡ് സനാഉല്ലാ തങ്ങള്‍ വിതരണം ചെയ്തു.
പരിപാടിയില്‍ മുഹമ്മദ് ഫര്‍സാന്‍ ഖിറാഅത്ത് പാരായണം നടത്തി. ഇമ്പിച്ചിക്കോയ ഹാജി, ആലിക്കോയ ഹാജി, അബൂട്ടി ഹാജി, കെ.ടി മുഹമ്മദ് മൗലവി, പി.പി മുജീബ്, അമീര്‍ ഫൈസല്‍, നുബൈസ് റഹ്മാനി, ഇസ്മാഈല്‍ മൗലവി സംസാരിച്ചു.