ചങ്ങരംകുളം: കഴിഞ്ഞദിവസം ഉണ്ടായ കനത്തമഴയില്‍ മൂക്കുതലയില്‍ വീടിനുമുകളിലേക്ക് പ്ലാവ് കടപുഴകിവീണു. മൂക്കുതല രക്തേശ്വരം ക്ഷേത്രത്തിനുസമീപം പന്താവൂര്‍ മനയ്ക്കല്‍ ആര്യ അന്തര്‍ജനത്തിന്റെ വീടിന്റെ പിറകുവശത്തേക്കാണ് പ്ലാവും കവുങ്ങും കടപുഴകിവീണത്. വീടിന്റെ പിറകുവശത്ത് കേടുപാടുകള്‍ സംഭവിച്ചു.
ആളപായമുണ്ടായില്ല. നന്നംമുക്ക് വില്ലേജ് ഓഫിസര്‍ കെ. അരവിന്ദാക്ഷന്‍ സ്ഥലത്തെത്തി നഷ്ടം വിലയിരുത്തി.